«Ел табибы – Ак чәчәкләр 2014» конкурсының җиңүчеләрен бүләкләү церемониясе 19 июньдә булачак
2008 елдан башлап һәр ел саен Татарстан Республикасының башкаласы Казанда «Ел табибы – Ак чәчәкләр 2014» Республика конкурсы уздырыла. Конкурс татар язучысы Габдрахман Әпсәләмовның ак халатлы кешеләргә багышланган бер үк исемдәге романының хөрмәтенә аталган.
Татарстан Республикасы Сәламәтлек саклау министрлыгы белән оештырылган конкурс һөнәри осталыкны камилләштерүгә, медицина эшчесе һөнәренең җәмәгатьчелек алдында абруен күтәрү өчен өстәмә стимулларны тудырырга чакыра.
Медицина эшчеләренә Республика премиясен тапшыру Татарстан Республикасының сәламәтлек саклавында күренекле күңелдә кала торган вакыйга булып тора.
Медицина эшчеләре көненә туры китерелгән «Ел табибы – Ак чәчәкләр 2014» Республика конкурсының җиңүчеләрен бүләкләү церемониясе 19 июньдә 15.00 сәг. «Пирамида» МККда (Мәскәү ур.,3) булачак.
Бу елда җиңүчеләр алты атау буенча билгеләнәчәк. Бу - «Ел табибы», «Ел медицина эшчесе», «Беренчел буынның иң яхшы табибы», «Сәламәтлек саклауның риваяте», «Уникаль очрак» һәм яңа «Югары казанышлар спорты медицинасы» атавы. 2014 елда конкурска 60ка якын презентацион медицина эше бирелде.