Татарстанда кремнийорганика җитештерү буенча завод төзү башланды
Татарстанда 7 млрд сумнан артык торган СНГда беренче булган кремнийорганика материалларын җитештерү буенча заводны төзү башланды. «КЗСК-Силикон» ААҖ заводы продукциясе сәнәгать тармакларының киң даирәләренең — авиатөзелештән һәм фармацевтикадан көнкүреш химиясенә һәм азык-төлек җитештерүгә кадәр — химия өстәмәләренә ихтыяҗларын канәгатьләндерергә тиеш. «КЗСК-Силикон» җитәкчелеге аларның продукцияләренең сыйфаты Европа җитештерүчеләренекеннән начаррак, ә бәясе кытай конкурентларыныкыннан югарырак булмаячак дип сүз бирә.
Октябрьдә «КЗСК-Силикон» казан синтетик каучук заводы территориясендә метилхлорсиланнар - кремнийорганика продукцияләрен җитештерүне төзүгә рөхсәтнамә алды, дип 3 декабрь көнне «Татнефтехим-инвестхолдинг» директорлары киңәшмәсе утырышында «КЗСК-Силикон» директорлар киңәшмәсе рәисе Евгения Даутова сөйләде. Заводны 2015 елның ахырына ачарга планлаштыралар, дип әйтте РБК-Татарстан генераль директоры «КЗСК-Силикон» Владислав Клиенков. Компания барлык тиешле лицензияләрне алды һәм проектка 1,65 млрд сум кертеп җайланмалар сатып алды. Евгения Даутова сүзләре буенча, төзүне дәвам итү өчен «КЗСК-Силикон»га тагын 5,7 млрд сум кирәк. Компания Внешэкономбанк һәм Сбербанк белән финанслау турында сөйләшүләр алып бара.
РБК-Татарстан Владислав Клиенков аңлатуынча, метилхлорсиланнар сәнәгать тармагында зур микъдарда химия компонентлары буларак файдаланылалар. «Шампуньнәргә, кремнарга һәм бүтән көнкүреш химиясенә һәм косметикага, пешерү өчен булган силикон формаларга, коймак әйләндергечкә өстәмәләрдән башлап, җитдирәк әйберләргә кадәр. Бу йортларны төзүдә һәм төзәтүдә, шулай ук самолетлар төзүдә һәм ракеталар төзүдә файдаланыла торган резинотехника эшләнмәләре өчен майлар, бораулау эремәләренең суны этәреп җибәрә торган компонентлары, төрле герметиклар, — дип әйтте бизнесмен. — Кремнийорганика азык сәнәгатендә дә, фармацевтикада да— таблеткалар өчен эчкә тутырылган матдә буларак, һәм бүтән күп нәрсә өчен файдаланыла».
Хәзер мондый химия компонентлары Россиядә дә, СНГ бүтән илләрендә дә җитештерелми һәм тулысынча чиктән кертелә, ди Клиенков. Компаниянең маркетинг тикшеренүләре нәтиҗәләре буенча, Россия базарының метилхлорсиланнарга ихтыяҗлары ел саен 50 мең тонна, ә бөтендөнья ихтыяҗлары - 4 млн тонна продукциягә бәяләнәләр. Клиенков КЗСК-Силиконның үзенең күпме җитештерергә җыенганын, коммерция серенә сылтама ясап, әйтмәде. Әмма ул, завод кремнийорганиканың Россия һәм чит илләр кулланучылары белән — шиннар, электр кабельләре, силикон изоляторлар җитештерү буенча оешмалар, фармацевтика заводлары белән алдан килешүләргә иреште инде, дип раслап әйтте.
«Проект, бәлки, бик үк зур да түгелдер, ләкин дәүләт өчен бик мөһим», - дип киңәшмәдә метилхлорсиланнар заводы турында ТР президенты Рөстәм Миңнеханов, Сбербанк башлыгы Герман Грефка борылып, әйтте. Банкир, үз чиратында, моңа игътибарын юнәлтергә вәгъдә бирде. «Без карадык - яхшы һәм кечкенә булмаган проект», - дип билгеләде Греф.